Tasak ordaintzeko dirulaguntzak emango ditu udalak
Onuradunek osatzen duten bizikidetza unitateko diru sarrerek ezingo dituzte udalak ezarritako mugak gainditu. Eskaerak apirilaren 12ra arte aurkez daitezke.
Dirulaguntza emango die Pasaiako Udalak beharra duten herriko hainbat familiei. 
Tasak ordaintzeko dirulaguntza eskatu ahal izango dute bizikidetza unitate baten kide direnek, baldin eta unitate horren diru-sarrerek, kide guztienak zenbatuta, ez badituzte udalak ezarritako mugak gainditzen, eta ez badute Gizarte-beharrizan Larrietarako Laguntzarik eskatu kontzeptu beragatik.
Eskaerak apirilaren 12a bitarte aurkeztu behar dira, 8:00etatik 14:00etara Udaleko Herritarren Arreta Zerbitzuan.
Onuradunen bizikidetza unitateak honako baldintza hauek bete beharko ditu:
- Ez du jabetzan beste ondasun higiezinik izango, diru laguntza jasoko duen horrez gain (ez dira zenbatuko eskaera egin duten etxebizitzaren eraikin berean dauden trastelekuak).
-
Pasaiako Udalarekin inolako zorrik ez izatea exekuzio-aldian. Nolanahi ere, zerga betebeharrak egunean dituztela joko da, haien zorra Kudeaketa eta Diru-bilketaren Ordenantza Orokorraren arabera zatikatuta badago, eta zatikatutako kuota horiek dagokienean ordaintzen ari badira.
Aurkeztu beharreko dokumentazioa:
-
NA-ren fotokopia.
-
Lanerako adinean daudenek:
o Gizarte Segurantzako Institutu Nazionalak egindako lan-bizitzaren ziurtagiria.
o Urtean zehar lanean aritu bada, azkeneko 3 nominak.
o INEMen ziurtagiria, prestazio ekonomikoren baten bidez lortutako irabaziena edo, bestela, irabazirik ezarena. -
Pentsio eta/edo prestazio ekonomikoren baten bidez lortutako irabazien Gizarte Segurantzako ziurtagiria, edo bestela, irabazirik ezarena.
Eskatzaileak baimena ematen badio Pasaiako Udalari informazioa zuzenean Gipuzkoako Foru Aldunditik edota Lanbidetik jasotzeko, ez da beharrezkoa datozen puntuetako ziurtagiriak aurkeztea. Baimena eman ezean, honako dokumentu hauek aurkeztu beharko ditu:
-
Gipuzkoako Foru Aldundiaren ziurtagiria, zeinahi prestazio ekonomikoren bidez lortutako irabaziak egiaztatzen dituena, edo, bestela, irabazirik ezarena.
-
Lanbideren ziurtagiria, diru-sarrerak bermatzeko errenta (oinarrizko erreta) bidez lortutako irabaziak egiaztatzen dituena, edo, bestela, irabazirik ezarena.
