Ikurrinak salduko dituzte hainbat txokotan, Kopako finalari begira
Gu Ere Bai euskal selekzioen aldeko plataformak ikurrinak salgai jarriko ditu Oiartzungo eta Errenteria-Oreretako hainbat tabernatan.
Realak eta Athleticek gizonen Kopako finala jokatuko dute datorren apirilaren 3an, Sevillako La Cartuja futbol zelaian. COVID-19ari itzal pixka bat egin diezaiokeen gaia izango da inoizko derbirik bereziena.
Gu Ere Bai euskal selekzioak nazioarteko lehiaketetan parte hartzearen aldeko plataformak deialdia egin du egun horretarako. Urdinen ala gorrikoen aldekoa izan, zein beste talde bat edo bat bera ere ez, etxeko balkoian ikurrina jartzera deitu dute. Euskal Herritik mundura lelopean abiarazi dute kanpaina.
Oarsoaldeko hainbat txokotan eskuratu ahal izango da, bost euroren truke. Errenteria-Oreretako bi tabernetan zein Oiartzungo hirutan —plaza eta inguruetan— eskuratu ahal izango da.
Errenteria-Orereta
- Sindikato taberna (Madalena kalea, 42).
- Arramendipe taberna (Pontika kalea, 12; auzoko jubilatuen elkarteak).
Oiartzun
- Xabale kafetegia.
- Kastro taberna.
- Miren taberna.
