Formazio saioekin Lezon jarraituko du Itaiak
Martxoaren 13an Oreretako Gaztetxean egin zuten formazio saioko irudia Argazkia: Itaia. Oarsoaldeko Itaiak formazio saioen bigarren jardunaldia egingo du igandean Lezon. Gorputzen gaineklo interesak gai izanda, hipersexualizazioa, prostituzioa, sabelen alokairua edo abortua bezalako auzien gaineko informazioa emango dute. “Funtzio sozialak emakumeon salerosketa du oinarri”, esan dute Itaiatik.
Formazio saioaren abiapuntu gisara hiru testu aukeratu dituzte, bakoitzak gai bat jorratzeko bide emanez: hipersexualizazioa, prostituzioa, eta sabelen alokairua.
Lezoko saioan parte hartzeko nahia duenak Itaiakoekin egin behar du harremana. Posta elektronikoz edo sare sozialen bidez (Instagram eta Twitter) jar daitezke Itaiarekin hartu-emanean. Landuko diren gaineko informazio osoa Itaiaren euskarri horietan lor daiteke, baita jardueraren toki eta orduaren berri izan ere.
