Euskara sustatzeko partidak, martxoko plenoan aztergai
Martxoko ohiko plenoa datorren asteazkenean izango da. Hamalau puntu izango ditu, horietako batzuk euskarari buruzkoak.
Otsailaren 24an egin zuten aurreko plenoa [Arg.: @oiartzunudala]. Oiartzungo Udalbatzak hileko azkeneko asteazkenarekin batera egin ohi ditu plenoak. Martxokoan, baina, astebete aurreratu dute data, Aste Santua gainean dela eta.
Datorren asteazkenean, hilak 24, izango da plenoa. Ordutegia zein tokia bai mantenduko dutela, 18:00etan hasiko baita, udaletxeko pleno aretoan.
Hamalau gai jorratuko dituzte, eta horietako batzuk euskararekin zerikusia dutenak izango dira. Honakoa da gai zerrenda:
-
Aurreko batzarrari dagokion aktaren onarpena.
-
2021eko Udaleko ordainsarien igoera.
-
Gazteria, Kirola eta Hezkuntza Ez Arautua batzorde informatiboaren aldizkakotasunean
aldaketa onartzea.
-
Inmobiliaria de Orio Txoko Txiki S.L.k jarritako 1278/17 administrazio auzibideko
errekurtsoan sententziaren berri ematea.
-
Gipuzkoako lurralde historikoan garraio publikoko zerbitzuan tarifen integrazioko
sistema ezartzeko lankidetza-hitzarmena berritzea
-
Oiartzungo udalerrian euskara sustatzeko jardueretarako 2021eko diru laguntzak
arautzeko oinarri bereziak eta deialdiak onartzea.
-
Hainbat programa gauzatu ahal izateko Udala eta Ttur-ttur Euskaltzaleon
Bilgunearen arteko lankidetza hitzarmenaren arabera, 2020ko memoria eta kitapena
aurkeztea eta 2021eko ekarpena onartzea.
-
Oiartzun Irratiaren funtzionamendurako Udala eta Hitz Hots Kultur Elkartearen arteko
lankidetza hitzarmenaren arabera, 2020ko memoria eta kitapena aurkeztea eta 2021eko
ekarpena onartzea.
-
LAN-3 Lanbarren Gaina eremuko urbanizazio lanak bermatzeko Inmogroup Grupo
Inmobiliario y Promocion Urbana S.L.k aurkeztutako abalaren itzulpena onartzea.
-
2021eko Finantza Kontroleko Planaren berri ematea.
-
Kalexa plazako garajeetako ur-filtrazioen arazoa konpontzeko egindako lanak herri
onurakoak izendatzea, eremuak erabilera publikoa duelako.
-
Beste ekitaldietako ordainagiriak baliogabetzea.
-
Beste organoen jardueraren jarraipena.
-
Eskari-galderak.
