Pasaiako Enplegu Planaren baitan 30 pasaitar kontratatu dituzte
Kontratuetatik 22 postu publikoak dira eta beste 8ak sektore pribatukoak. Ia 140.000 euroko aurrekontua izan du planak eta emakume gazteak lehenetsi ditu.
Pasaiako Udalak Oarsoaldea Garapen Agentziarekin batera garatzen duen Enplegu Planak 139.424 euro bideratu ditu, guztira, langabetuak kontratatzeko. 30 pasaitar izan dira kontratazioen onuradunak, horietatik 22 Pasaiako Udalean eta beste erakunde publiko batzuetan egindako kontratazio publikoei dagozkie, eta gainerako 8ak sektore pribatuari.
Izaskun Gomez alkateak ohar egin du plana lan munduratzeko arazo gehien duten kolektiboei zuzendu duela udalak, eta emakume gazte langabetuak edo iraupen luzeko langabetuak kontratatzea lehenetsi dutela. Hala izanik, honakoak dira egindako kontratazioen zifrak:
- Kontratazio publikoen % 41 emakumeei dagokie.
- Adin-tarteari dagokionez, %21a 55 urtetik gorakoak dira, %43a 45-55 urte artekoak eta % 34a 35 urtetik beherakoak.
- Kontratazio publikoak hiriko mantentze lanetako, administrazioko eta lehen sektoreko lanpostuei egokitu zaizkie.
- Kontratazio aldiak 4 eta 6 hilabete artekoak izan dira.
