Gipuzkoako Eskuz Binakako txapela, etxean
Ohorezko Mailan aritzeko txartela eskuratuta bazuten ere, Lehen Mailako Eskuz Binakako txapela jokoan zuten Iker Urmeneta eta Mikel Aranguren EPLEko pilotariek asteburuan. Kategoria igoerari, orain, Gipuzkoako Eskuz Binakako txapela gehitu diote bi pilotariek.
Mikel Aranguren eta Iker Urmeneta txapela irabazita. Argazkia: EPLE Ohorezko Mailan aritzeko txartela eskuratuta bazuten ere, Lehen Mailako Eskuz Binakako txapela jokoan zuten Iker Urmeneta eta Mikel Aranguren EPLEko pilotariek asteburuan. Kategoria igoerari, orain, Gipuzkoako Eskuz Binakako txapela gehitu diote bi pilotariek, Amezketan Astigarragako Mundarro taldeko pilotariak garaituta. 22-17 amaitu zuten partida EPLEkoek.
Bestelako emaitza Aranburu eta Odriozolak, EPLEkoek ez zuten garaipenik lortu asteburuan; 15-22 galdu zuten partida Lazkaoko Eguren eta Garmendiaren kontra.
Beste garaipena, Batzokiko taldearentzat asteburuan gomazko paletan. Finalerdia irabazita, hirugarren mailara jauzi egiteko aurrerapauso handia.
Hurrengo hitzorduen barruan Gipuzkoako Banakako Trinkete Txapleketa. EPLEko pilotariek hiru final erdi jokatuko dituzte. Lehen mailan EPLEko manistek neurtuko dituzte indarrak: Aranburuk eta Tabernak. Derbia jokoan. Biak sasoi onean helduko dira final aurrekora.
Bigarren Mailan, Chiapusok Mundarroren kontra egingo du; finalerako txartela jokoan da, eta mailaz igotzeko aukera ere izango du. Kadeteetan, Lizarazuk Hernaniko Urdanpilletaren aurka jokatuko du.
EPLEk jakinarazi du pala eta gomazko paleta taldeek Herriarteko Gipuzkoako Txapelketa jokatzeko izena eman dutela.
