EH Bildu: "Rafaela Romerok ez du ezer egin motora Mugi sisteman sartzeko"
Oposizioko alderdiak salatu du ebazpena onartu zenetik bost hilabete igaro direnean mezu elektroniko bat besterik ez duela bidali diputatuak gaiari heltzeko.
Aho batez onartu zuen Pasaiako Udalak joan den urte amaieran motora zerbitzua Mugi sistemaren barne hartzearen emendakina. 
Pasaiako EH Bilduk Batzar Nagusietan motora Mugi sisteman txertatzeko eskaerari eskainitako aditasun eza salatu du: “Ebazpen hau onartu zenetik bost hilabete igaro direnean, Rafaela Romero diputatuak jakinarazpen elektroniko bat dio Pasaiako Portuari”, azken hura denez gero zerbitzuaren kudeaketaren arduradun.
2020ko urriaren 28an, Gipuzkoako Batzar Nagusiek ebazpen bat onartu zuten, non Rafaela Romero (PSE-EE) Lurralde Antolamenduko diputatuari galdegin zitzaion Pasaiako Portuko Kontseilura eraman zezala gaur egun San Pedro eta Donibane lotzen dituen motora Mugi txartel bakarraren sisteman sartzeko proposamena.
EH Bilduk salatu nahi izan du, ebazpena onartu zenetik bost hilabete igaro direnean, Romero diputatuak jakinarazpen elektroniko bat soilik helarazi diola Pasaiako Portuari, bera arduratzen baita gaur egun motorren zerbitzuaren kudeaketa lizitatzeaz: “Benetan hori dela diputatu honek egingo duen guztia motorra Mugian sar dadin lortzeko? Korreo bat bidali? Lotsagarria iruditzen zaigu”.
Aldundiari eta Pasaiako Udalari galdegin diete “behingoz gai honen buru izan daitezen eta egin beharreko gestioak egin ditzaten”.
