Euskal presoen osasun eskubidearen alde egingo dute
19:00etan izango da elkarretaratzea Agirre Lehendakariaren plazan, apirilaren 7an, asteazkena.
Mikel Arrieta etxeratzea eskatzeko bideoa egiten ari da Sare. Osasunerako Eskubidearen Nazioarteko Eguna izango da apirilaren 7a (asteazkena) eta hori dela eta, elkarretaratzera deitu du Sare Herritarra dinamikak larri gaixo dauden euskal presoen alde. 19:00etan izango da elkarretaratzea Agirre Lehendakariaren plazan.
Oreretako sei euskal preso daude une honetan, eta horietatik bi gaixotasun larri eta sendaezinak dituzte: Aitozl Gogorza eta Mikel Arrieta. Gogorza etxean dago preso espetxe arinduan, eta Arrieta, berriz, Soriako espetxean da egun, etxetik 245 kilometrora.
Larri gaixoa dauden bi preso oreretarrez gain, beste lau preso oreretar daude une honetan. Eider Perez, Zuerako espetxean dago, etxetik 253 kilometrora eta motxiladun ume baten ama da. Juan Manuel Inziarte Buto, bestalde, El Dueso espetxean, Kantabrian dago, etxetik 174 kilometrora.
Jesus Mari Etxeberria Goierri Cadizko Puerto III espetxean dago, etxetik 1.025 kilometrora. Azkenik, Xabier Goienetxea Mont de Marsan espetxean dago, etxetik 146 kilometrora.
Denen artean 1.843 kilometro batzen dituzte, eta etxetik 307 kilometrora daude bataz beste.
