Lorentxo Aiestaran Alacanteko espetxetik Soriakora mugituko dute
Lezotik 700 kilometro baino gehiagora egotetik, 264ra egongo da euskal preso lezoarra. 30 urteko zigorra betetzen ari da.
Lorentxo Aiestaran 'Fanekas'. Lorentxo Aiestaran Fanekas euskal preso lezoarra Alacanteko presondegitik Soriarakora mugituko dutela jakinarazi du gaur Espainiako Barne Ministerioak. Hau da, Lezotik 700 kilometro baino gehiagora egotetik (sei ordu pasata autoz), 264 kilometrora egongo da (ia hiru ordu autoz).
1984tik Venezuelan deportatua egon ondotik, 2010ean atxilotu zuten Frantzian lezoarra. Espainiako Auzitegi Nazionalaren aginduz Espainiaratu zuten (2014an), eta 2015eko otsailean epaiketa egin eta 81 urteko espetxe zigorra ezarri zioten ETAko kide izan eta hainbat hilketa leporatuta; horietatik 30 bete behar ditu. Egun, 64 urte ditu Aiestaranek, eta kondearen hiru laurdenak 2037an da betetzekoa, Espainiako Barne Ministerioak zabaldu dituen datuen arabera.
