Bigarren zati kaxkarrak kondenatu ditu Oiartzungo mutilak
Oiartzuarrak markagailuan aurreratu ziren, baina Añorgak buelta eman zion partidari. Neskek puntua lortu dute Logroñon.
Oiartzun Kirol Elkarteko mutilek Añorgaren bisita jaso zuen larunbat arratsaldean. Jokoaren lema eraman zuten oiartzuarrek, eta korner jokaldi batean aurreratzea lortu zuten, Mikel Aranbururen erremate bati esker.
Mikel Aranbururen gola ez zen nahikoa izan.
Bigarren zatian, baina, partida amildegitik behera joan zen. Kontrola Añorgaren eskuetara pasatu zen, eta bost minututan markagailua irauli zuten. Partida bukaeran oiartzuarrek arerioaren atea setiatu zuten, baina baloia ez zen sarera joan, ezta bukaerako txilena ikusgarria ere.
Neskek, berriz, atzo hasi zuten fase berria, Logroñon. Atletico Revellinen kontra aritu ziren, partida txukunik egin gabe. Partidako onena lortutako puntua izan zen. Larunbatean Mulierren bisita jasoko dute Karla Lekuonan.
FUTBOLA
Emakumeen Lehen Nazional Maila
- Atletico Revellin — Oiartzun: 0-0.
Gizonezkoen Ohorezko Erregional Maila
- Oiartzun — Añorga: 1-2.
Emakumeen Euskal Liga. D multzoa.
- Oiartzun — Gasteizko Aurrera: 1-1.
Gizonen Gorengo Maila
- Gure Txokoa — Oiartzun: 1-0.
Emakumeen Gorengo Maila
- Usurbil — Oiartzun: 1-1.
ARETO FUTBOLA
Udaberriko txapelketa
- Oiartzun KE — Antiguoko Fontanera Iribarren: 4-1.
- Lauburu Berazubi Fisioterapia — Miren Taberna OKE: 2-0.
SASKIBALOIA
Gipuzkoako Bigarren Maila
- Goierri Modelos Ezguba — Oiartzungo Saskilagunak: 72-36.
