San Juan Koxtapek eraman du San Pedroko test estropadako bandera
Larunbatean izandako XII. traineru testean sanjuandarrak izan dira garaile eta sanpedrotarrak laugarren. Emakume arrosak hamargarren sailkatu dira.
San Juan Koxtape nagusitu da asteburuko estropadetan. Artxibo irudia. 
Joan den asteburuan San Pedroko XII. test estropada egin zuten barruti hartan eta Gipuzkoako Batel Ligako jardunaldia igandean, Donibanen. Larunbateko beroketan bandera eraman zuen etxera San Juan Koxtapek eta podium guztietan egin zuten leku batel arrosek ere.
Arraun asteburuari traineruen saioak eman zion hasiera 17:00etan. Lehen txandan ETE eta Euskotren ligetakoak lehiatu ziren, San Juango emakumeak hamargarren sailkatuz. Hondarribia bosgarren izan zen eta Hibaika bederatzigarren. Banderarik ez Oarso-Bidasoan.
Ikurrina hurrengo txandan astindu zuten pasaitarrek, San Juan Koxtape izan baitzen sailkatzen lehena borrokatutako bigarren luzean, Getariari 0:00,22 segundoko errenta ateraz azken zenbaketan. San Pedroko Libia laugarren gelditu zen multzo hartan, eta Hondarribia seigarren. Hibaikako gizonak 22. izan ziren (25etik) eta azken postua Illunbeko Azkuene traineruak bete zuen; azken horiek aro berriari egokitzen ari zaizkio, aurten atera duten talde berriarekin.
Batelak
Batelei dagokienez, San Juan Koxtape nagusitu zen igandeko lehian. Haurren kategorian haiek izan ziren garaile, eta kategoria bereko mutiletan San Pedroko gizonak bigarren. Urrezko nahiz zilarrezko domina eraman zituzten, halaber, neska Promesek eta bide berari eutsi zioten pasaitarrek gainontzeko kategorietan ere.
