Done Eztebe elizan bisita gidatuak eskainiko dituzte bihartik
Apirilean eta maiatzean asteazkenero bisitatu ahalko dute interesdunek eraikina. Aldez aurretik izena ematea ezinbestekoa dela gogoratu du udalak.
Done Eztebe elizan bisita gidatuak egingo dituzte bihartik aurrera, Oiartzungo Udalak ezagutarazi duenez. Apirilean eta maiatzean zehar asteazkenero eskainiko dituzte bisitak, 12:00etan, Joxe Mari Mitxelenaren gidaritzapean.
Bisitak debalde diren arren, aldez aurretik izena ematea derrigorrezkoa dela jakinarazi du udalak, biharko saiorako Oiartzungo turismo bulegoan (943 50 89 12), eta datorren astetik aurrera Errenteriakoan (943 49 45 21).
