Baheketaren azken egunean ilararik ez
Guztira, 6.000 lagunetik gora izango dira deialdiaren barruan PCR proba egin dutenak. Baheketa masibo horren datu orokorrik edo baloraziorik ez dute jakinarazi, momentuz behintzat, osasun agintariek.
Baheketa masiboaren azken eguna Merkatuzarren. Osakidetzak eta Eusko Jaurlaritzak joan den asteartean martxan jarri zuten baheketa masiboak azken eguna du gaur. Goizetik eguerdira egingo dituzte osasun langileek PCR probak Merkatuzarren baheketa masibo horren testuinguruan, eta gaur aurreko bi egunen ildo beretik, ez zegoen areto kanpoan ilararik.
Martxoaren 14tik hilaren 5era arte Zumardiko, Diputazio Plazako eta inguruetako tabernetan izan ziren pertsonak zeuden deituta baheketa masibora. Herritarren erantzuna, eredugarria izan da. Lehenengo bi egunetik 4.000 lagunek egin zuten PCR proba deialdiari erantzunez.
Guztira, 6.000 lagunetik gora izango dira deialdiaren barruan PCR proba egin dutenak. Baheketa masibo horren datu orokorrik edo baloraziorik ez dute jakinarazi, momentuz behintzat, osasun agintariek.
