Materren asteburua: Jaizkibelgo itsaslabarrak eta hondakinen arrantza
Ontzi Museoak jarduera bana antolatu du larunbat eta iganderako: lehena inguruko natura hobeto ezagutzearekin lotuta dago, eta horren zaintzarekin bestea.
Ekintza berezi bi antolatu ditu Mater Ontzi Museo Ekoaktiboak datorren astebururako. 
Materren agendak eskaintza berezia barne hartu du datorren astebururako; bi jarduera antolatu ditu San Pedroko Ontzi Museo Ekoaktiboak: Jaizkibelgo itsaslabarretara irteera eta itsas hondakinen arrantza. Haietako edozeinetan parte hartzeko aurretik izena eman behar da posta elektroniko bidez harremanetan jarriz edota 619 81 42 25 telefono zenbakira dei eginez. Hona hemen informazio guztia:
- Jaizkibelgo itsaslabarrak. Larunbatean, hilak 17, 12:00etatik 13:30a arte. Sarrera orokorra 30 eurogatik eros daiteke, eta 15 eurogatik tarifa murriztua dutenek.
- Itsas hondakinen arrantza. Igandean, hilak 18, 12:00etatik 14:00etara. Sarrera doakoa da baina aurretik erreserbatu beharko dute interesdunek.
