'Basoak ernatzen' proiektua jarri dute martxan udalerriko ikasleek
Agenda 2030 programaren barruan iniziatiba berria egin dute Errenteria-Oreretako ikasleek aurten: Basoak ernatzen proiektua jarri dute martxan.
Basoaren Astea ospatu dute ikasleek Agenda 30en barruan. Agenda 2030 programaren barruan iniziatiba berria egin dute Errenteria-Oreretako ikasleek aurten: Basoak ernatzen proiektua jarri dute martxan. Ezkurrekin lanketa egin dute. Udazkenean ezkurrak bildu eta metodo zientifikoaren bidez ernetzeko bidean jarri dituzte. Batzuk hotzean gordeta izan dituzte; besteak paper hezean bilduta; eta beste batzuk, zuzenean lurrean sartuta.
Aukera ezberdinek, emaitza aldakorrak izan dira; ezkur batuetatik baino ez dituzte haritz landareak lortu. Bizarain, Cristobal Gamon, Egiluze, Orereta eta Don Boscoko ikasleek beren ikastetxe inguruan landatu dituzte. Koldo Mitxelena eta Telleri aldekoek, berriz, lau pago aldatu dituzte Alabergako basoan.
Martxoaren 15 eta 18aren bitartean Basoaren Astea ospatu zuten Errenteriako Eskolako Agenda30 programako kide diren ikasleek. Basoen garrantziaz ohartuta, ikasleek aldatutako zuhaitzak eta gainerakoak zaintzeko konpromisoa hartu dute.
-
- Basoaren Astea ospatu dute ikasleek Agenda 30en barruan.
