'Shtandart' fragata errusiarra Pasaian da, Amenabarren grabaketarako
Bigarren ontzia aurreko aste hasieran portura heldutakoari batu zaio. Biek XIX. mende hasierako ontzi-gudua birsortuko dute 'La fortuna' telesailerako.
Fragata errusiarra aste hasieratik Pasaiako portuan amarrak lotuta dituen 'Etoile du Roy'-ari batu zitzaion igandean. 
Shtandart fragata errusiarra Pasaiako uretan murgildu zen atzo -igandea- arratsaldean, joan den aste hasieratik portuan amarrak lotuta dituen Etoile du Roy ontziari batuz. Biek ala biek, Alejandro Amenabarren zuzendaritzapean, 1804ko Nuestra Señora de las Mercedes fragataren hondoratzea birsortuko dute La fortuna telesailerako.
Asteburuan ekin zieten grabaketei Pasaiako Portu Agintaritzaren eskuduntzapeko azpiegituretan; lehen ontzia besterik ez zegoen orduan portuan. Antza denez, bi fragatek Algarbe (Portugal) eskualdeko kostaldean izandako kanoikada gudua birsortuko dute orain.
Erlazionatutako edukia[Bideoa eta galeria] Amenabarren ‘Etoile du Roy’ fragata, Pasaiako uretan
