Euskal komunitateari eta euskal kulturari hauspoa
Kutxa Birak Errenteria-Orereta ere bisitatuko du. Ostegunean izango da, 18:00etan, Iparra-Hegoa elkarteak antolatuta eta Lau Haizetara topaguneak bideratuta.
Kutxa Bira Argentinan. Diasporatik heldu da Euskal Herrira. Kutxa Birak Errenteria-Orereta ere bisitatuko du. Ostegunean izango da, 18:00etan, Iparra-Hegoa elkarteak antolatuta eta Lau Haizetara topaguneak bideratuta.
COVID-19aren pandemia testuinguruan euskal kultura eta euskal hiztunen komunitatea ahalduntzeko hainbat egitasmo bertan behera gelditu dira: Herri Urrats, Nafarroa Oinez, Nafarroaren Eguna, Korrika… Hutsune horiek estali nahi ditu Kutxa Bira iniziatibak. Halaber, ilusioa piztea, hizkuntzarekiko lotura bultzatzea, eta harremanak sendotzea ere bilatzen du. Horren harira, ostegunean, hilaren 22an, 17:30ean ekitaldia egingo du Kutxa Birak Lau Haizetara Topagunearen egoitzaren aurrean —Merkatuzar eraikinaren pareko plazan—.
Argentinako Carmen de Patagones hirian ekin dio ibilbideari pasa den hilaren 20an kutxa batek. Bide horretan ametsez betetzen doa kutxa Euskal Herrian zein diasporan igaroko dituen 70 bat herrietan, maiatzaren 30era arte; egun horretan Seguran amaituko du bidea.
Pasaiatik helduko da Errenteria-Oreretara. Amets Arzallus bertsolariak idatzi eta kutxa barruan den mezua irakurriko dute ekitaldi horretan, eta udalerriarentzat amesten dituzten nahien mezua ere. Musika saio laburra ez da faltako.
Kutxa Bira iniziatibarekin bat egin dute, Xenpelar AEK Euskaltegiak, Koldo Mitxelena LH Ikastetxeak, Koldokide Koldo Mitxelena ikastetxeko guraso elkarteak, Kukai DAntzak, Oarsoaldeko LABek, Orereta Ikastolak, Urdaburu Menizale elkarteak, Ereintza Kultur Elkarteak eta OARSO BIDASOKO HITZAk,
