Udalaren izenean egindako iruzur saiakera batez ohartarazi du alkateak
Izaskun Gomezek sare sozialen bidez jakinarazi du edadetuei deiak egiten ari direla mina baretzeko produktu bat eskaintzeko.
Pasaiako alkate Izaskun Gomezek Twitterren bidez ohartarazi du iruzur saiakera egiten saiatzen ari direla udalaren izenean. Udalburuaren arabera, “edadetuei deika ari zaie Pasaiako Udalaren izenean, etxebizitzan hitzordu bat zehazteko asmoz”; deian mina baretzeko produktu bat eskaintzen omen dute.
Gomezek argi utzi du udalak ez duela zerikusirik ustezko produktu horrekin eta iruzur saiakera dela aipatutakoa: “Jakina, guztiz FALTSUA da. EZ ITXI hitzordurik”.
