Agustin Azkarate iheslari ohia etxean da hiru hamarkada ostean
Sare sozialen bidez zabaldu zuen atzo Sortuk, 30 urtetik gorako erbestealdiaren ostean, Joseba Sarrionandiak eta Agustin Azkaratek euren familiak bisitatu dituztela Euskal Herrian.
Agustin Azkarate. Argazkia: Oreretako Ernai Agustin Azkarate iheslari ohia Errenteria-Oreretara itzuli da hiru hamarkada luzeren ostean. Sare sozialen bidez zabaldu zuen atzo Sortuk, 30 urtetik gorako erbestealdiaren ostean, Joseba Sarrionandiak eta Agustin Azkaratek euren familiak bisitatu dituztela Euskal Herrian.
Azkaratek 69 urte ditu egun. Guardia Zibilak atxilotu zuen 1986an eta tortura latzak pairatu zituela ekarri du gogora Sortuk, “kartzelatua izan zen nahiz eta epaileak kartzelako ospitalean ingresatzea agindu zuen”.
Gatazka politikoaren ondorioz ihes egin behar izan duten 200 herritar itzuli direla azaldu du ohar horretan, gainera. Egun 41 euskal iheslari daude munduan zehar, horietatik zortzi, deportatuak.
