AP8ko kamioien aparkalekua itxiko dute astelehenean, obrak egiteko
Berrikuntza lanek astebete iraungo dute, eta tarte horretan Baionako noranzkoko aparkalekua itxita egongo da.
190 kamioientzako tokia izango duen aparkalekua egingo dute. 
190 kamioientzako tokia izango duen aparkalekua egingo dute.
Aldundiak jakinarazi duenez, datorren astelehenean —maiatzak 3— AP8ko Oiartzungo kamioien aparkalekua itxi egingo dute, Baionako noranzkokoa. Astigarraga-Oiartzun Garraiogune Integralaren proiektuaren bigarren faseari ekin nahi diote modu horretan.
Bidegik adierazi duenez, beharrezkoa da aparkaleku hori ixtea. Egun aparkatuta dauden kamioi atoien jabeek astebete izango dute —maiatzaren 10era arte— ibilgailua bertatik ateratzeko.
Baionarako noranzkoko parkinga ixtearekin batera, eta obren lehenengo fasea bukatuta, berritu duten aparkalekuaren zatia irekiko maiatzaren 10 horretan bertan. Aparkaleku horrek 50 toki izango ditu, Bilbora doazenentzako. Ibilgailu arinentzako eta autobusentzako jatetxe-gunera heltzeko egungo sarbidea irekita egongo dela iragarri dute.
Foru aldundiko iturriek gogorarazi dutenez, garraio plataforma berriaren proiektua iazko urrian hasi zen gauzatzen. Aurrez zeuden bi zabalguneak plataforma bakarrean bateratzeko asmoa du. Horrela, 190 tokiko aparkaleku handi bat eratu nahi dute. Aurrez 162 toki zeuden, 105 Bilboko noranzkoan, eta 57 Behobiakoan.
Bidegik hiru milioi eurotik gora bideratuko ditu obretara —hamabi hilabete iraungo dute—.
