Markolako auzo ekipamenduan ikasketa gela atondu dute Lekuona zabaldu arte
Bihartik hilaren 26ra arte erabili ahalko da, astelehenetik ostiralera 08:00etatik 14:00etara eta 15:00etatik 20:00etara. 28 ikaslerentzako lekua du.
Markolako ikasketa gela. Ikasleentzako ikasketa gela atondu dute Markolako auzo ekipamendu berrian. Biblioteka itxita dago Lekuonara lekualdatzeko, eta azken horrek ateak zabaldu bitartean ikasketa gela zerbitzua eskainiko du udalak Markolako ekipamendu berrian, hiru astez. Koldo Mitxelena ikastetxearen Markolako eraikinean dago ikasketa gela, eta Elias Salaberria kaletik du sarbidea.
Bihartik hilaren 26ra arte erabili ahalko da, astelehenetik ostiralera 08:00etatik 14:00etara eta 15:00etatik 20:00etara. 28 ikaslerentzako lekua du.
Bete beharreko arauak
Ikasgelan osasun neurriak errespetatu beharko dira: uneoro musukoa jantzita eraman behar da; bi metroko distantzia mantendu beharko da pertsona artean; mahai bakoitzean pertsona bat ariko da; atsedenaldia egitekotan ikastetxearen eremutik kanpo atera beharko da; eta ikastetxearen eremuan erretzea debekatuta dago.
