Txirritxo txikiak Altzaten duen eremua errespetatzera deitu dute
Txirritxo txikiak bere espazioa du Altzaten, eta bertan hazi eta ugaldu da urteetan.
Txirritxo txikia. Argazkia: Ornitho.eus Txirritxo txikiak bere espazioa du Altzaten, eta bertan hazi eta ugaldu da urteetan. 13 zentimetroko hegazti zangaluze txikia da, eta urteak daramatza Campsako orubean lasai bizitzen, ugalketarako baldintza egokienak aurkitu dituelako bertan. Hala dio SEO-Donostia ornitologia elkarteak. Legar hobiak ditu gustuko habiak egiteko, eta lau arrautza jartzen ditu horietan.
Txirritxo txikiek lau arrautza jartzen dituzte legar hobietan habiak eginda.
Ornitologia elkarteak kezka azaldu du, aurten ez delako baldintza egokirik izango txirritxo txikia ugaltzeko Altzate eremuan: “Alde batetik makinak eremu bat urbanizatzeko lanean hasteko mehatxua dago; bestetik, Altzate parke sortu berrian sartu eta loreak, putzuak, eta abar ikusteko paseatzera joaten diren pertsonek sortutako eragozpenak daude. Ezjakintasunagatik txirritxo txikiak ugalketa garaian behar duen lasaitasuna asalda dezakete”.
Altzatekoa, eremu degradatu bat naturalizatzeko aukera handia izan zitekeela ere aipatu du elkarteak, “biodibertsitatea handituko duten irtenbideak bilatuz, herritarren gozamenerako”.
Lanak egiteko makinak momentuz ez direla sartuko jakin duela esan du, bestalde, SEO Donostiak, “Altzate parkera doazen pertsonei eskatu nahi diegu
txirritxo txiki kume bat.
errespetatzeko txirritxo txikiak, eta egokitu den espaziora ez sartzeko”.
