Kulturabirusa elikatzeko bilera irekia egingo dute asteartean
Festen ordez egin beharreko kultur ekitaldietarako proposamenak jasoko dituzte hilaren 11n. Adin tarteak eta auzoak kontuan hartuko dituzte.
Iazko Kulturabiruseko 'Hiru biñaka' zikloko saioa, Alaia Martin eta Ainara Lasa. Udalak eta herriko jai batzordeek atzo jakinarazi zuten aurten ez dela ez xanistebanik ez auzoko festarik izango. Horren ordez, iaz bezala, Kulturabirusa eskaintza antolatuko dute.
Kultur iniziatiba hori mamiz bete beharko dute. Horretarako, Oiartzungo Udalak bilera deitu datorren astearterako —hilak 11—, udaletxeko pleno aretoan, 18:00etan.
Helburua proposamenak jasotzea izango da. Udako hilabeteetan ekitaldiak egin nahi dituzte, adin tarte guztiak kontuan hartuta, herrigunean zein herriko auzoetan.
