[Galeria] Hiru tontor, aldarri bat: presoen etxeratzea
Errolbide, Munanier eta Zariako gainak hartu dituzte oiartzuarrek, Sarek abiarazitako 650 tontor dinamikaren barruan.
Joanes Larretxea presoa gogoan izan dute mendira igo direnek. 650 tontor dinamikaren barruan, Oiartzungo hiru tontorrera eraman dituzte presoen etxeratzearen aldarria. Hamarnaka oiartzuarrek parte hartu dute Sarek antolatutako mobilizazioan.
Hiru aukera izan dituzte. Errolbidera igo direnak Arditurritik atera dira, eta Arritxulotik pasatu ondoren iritsi dira Aiako Harriko tontorrera. Beste bietan irundarrak zeuden, eta giza kate antzeko bat osatu dute. Joanes Larretxea presoa euskal herriratzearen aldeko pankarta zabaldu dute bertan. Beste bietan euskal eta herrira hitzak idatzita zituzten pankarta bana zabaldu dute.
Munanierrera igo direnak, berriz, Karrikako Artaso elkartetik irten dira, eta Kauson hirugarren zutabearekin topo egin dute, gailurrera igo aurretik.
Hirugarren zutabea da bide goxoena hartu duena. Iturriozko pilotalekutik abiatu dira, eta Ozentzio ermitaren parean atera dute talde argazkia, aurpegia gehiegi gorritu baino lehen. Zaria mendiko tontorrera iritsi dira eguerdia baino lehen.
