Ikasteko gela egokitu du Piztu Lezok
Ibai Ondon egokitu dute ikasketa gela. Aurretik ordua hartu behar da hara joateko. Udalaren erantzunik ez dutela izan azaldu du Piztu Lezok.
Azterketen aroa hemen da. Horren aurrean, gazteek lasai ikasteko eremuak behar izaten dituzte. Lezon gune horietako bat Andreone Udal Liburutegia da, baina ordu muga du eta ez dago behar adina leku ikasteko. Horri eutsi nahi izan dio Piztu Lezok: ikasketa aretoa atondu du Ibai Ondon.
Jada prest dago gela, eta ordutegiak antolatzen hasi dira (klik esteka honetan hori ikusteko). Edozein zalantza izanez gero, telefono zenbaki bat ere erraztu dute, duda horiek argitze aldera: 651 74 76 03.
Piztu Lezok zehaztu du Lezoko Udalari eskaera egin ziotela zentzu honetan, baina erantzunik ez dutela izan azaldu dute.
