Azkoitiaren kontra hasiko dute herriartekoa, ostiralean
Esku huska aritzen diren pilotariek Gipuzkoako txapelketa mitikoan debuta egingo dute ostiralean. Beste sei partida jokatuko dituzte Oiarpekoek.
Esku huska jokatzen duten pilotariek asteburu honetan hasiko dute Gipuzkoako herriartekoa. Oiartzungo ordezkariek ostiral arratsaldean jokatuko dute, Madalensoron, Azkoitiaren kontra.
Kadete, Gazte eta senior mailetako partida bana jokatuko dute. Oiarpe pilota elkartekoak baikor dira, Hitzari egindako adierazpenetan berretsi zuten bezala.
Esku pilotariak hastearekin batera, modalitate guztiak lehian izango dira.
Bestalde, Oiarpeko pilotariek beste sei partida jokatuko dituzte asteburuan. Hiru bihar izango dira, beste bi larunbatean, eta azkena igandean. Kartelera guztia hemen klik eginda ikus daiteke.
