Odola emango dute antxotarrek datorren asteazkenean
Saioa barrutiko kultur etxean egingo dute, 16:30ean hasi eta 20:10ak arte. Aurretik hitzordua emango diete boluntarioei, jende pilaketak saihesteko.
Antxoko Kultur Etxean egingo dute odola emateko saioa. 
Datorren asteazkenean, hilak 19, odola emateko saioa egingo dute Antxoko Kultur Etxean, 16:30ean hasi eta 20:10ak arte, gutxi gorabehera.
Pasaiako Udalak zehaztutako Higiene eta Osasuneko Segurtasun Protokoloa kontutan izango dela gogora ekarri dute antolatzaileek, eta inolaz ere ez dela joan behar COVID-19arekin zerikusia duen sintomaren bat izanez gero. Hitzorduak aurretik emango dizkiete telefonoz ohiko emaileei.
Apirilean egindako saioan 35 poltsa jaso zituzten, horietako bat emaile berri batena izanda; azken horiek oso beharrezkoak izaten direla nabarmendu dute, ohiko odol emaileen artean izaten diren bajak ordezteko. Hori dela eta, 18 urtetik gorako gazteei boluntario bihurtzeko deia egin diete.
