[Bideoa] Ioritz Mendizabal jockeyak, Lehen Taldeko bi garaipen egun berean
'St Mark's Basilica' zaldikoarekin Frantziako hiriburuko Longchamp hipodromoan lortu du garaipena, Lehen Taldeko kategorian.
Mendizabal, atzoko Poulea irabazi berritan.
Ioritz Mendizabal jockey oiartzuarrak garaipen garrantzitsuak lortu zituen atzo Parisko Longchamp hipodromoan. Zaldikoen Emirates Poule d’Essai lasterketa jokatu zuten, Lehen Taldekoen barruan sartuta dagoena.
St. Mark’s Basilica izeneko zaldiko irlandarrarekin nagusitu zen oiartzuarra. Aliantza euskal-irlandarra atzetik aurrera iritsi zen eta azkeneko esprintean modu ikusgarrian aurreratu (behean ikus daiteke lasterketa osoa). Ioritz Mendizabal azken orduan deitu zuten lasterketan parte hartzeko.
Ez zen bere palmaresari gehitu zion lasterketa bakarra izan. Zaldi arabiarren lasterketa ere lortu zuen Parisko turfean, Hattal zaldiarekin, hura ere Lehen Taldekoa. Arabiar Emirerri Batuko Presidentearen Kopa barruko karrera eskuratu zuen.
Oiartzuarrak Lehen Taldeko beste garaipen batzuk lortu ditu urte betean: Prix du Jockey Club (Mishriff zaldiarekin) eta Prix Jean Romanet (Audaryarekin).
