Indarrak batzeko deia egin du Gure Eskuk
Larunbatean kalera atera eta Hamaika Gara dinamikaren gaineko informazioa zabaldu, sinadurak bildu eta materiala izango du salgai Gure Eskuk 12:00etatik 14:00etara Zumardian.
Hamaika Gara dinamikaren logoa. Hamaika Gara iniziatiba erdigunean jarri eta ikusgarritasuna eman nahi dio Gure Eskuk, eta horri begira, bestelako lanetan aritu ostean, berriro aterako da kalera. Larunbatean izango da hori, eta segurtasun eta osasun neurri guztiak zorrotz beteta, mahaia jarriko du Zumardian, Hamaika Gara iniziatibaren gaineko zuzeneko informazioa zabaldu, sinadurak biltzeko eta materiala saltzeko. 12:00etatik 14:00etara izango dira postuan.
“Bizi dugun egoera gogorrari errespetu handia izan diogu eta diogu. Hala ere, beste zenbait arlotan gertatzen ari den bezala erronka garrantzitsuei berriro ikusgarritasuna eman behar zaiola uste dugu”, esan dute. Larunbateko ekintza xumearen helburua, herrikideak erabakitzeko eskubidearen aldeko lana eta borroka bultzatzera animatu nahi ditu Gure Eskuk, Hamaika Gara iniziatibarekin bat eginda”.
Euskal Herriko 24 eragilek hartzen dute parte Hamaika Gara dinamikan; web orrian aurkitu daiteke informazioa osoa.
