Kolonbiar Gobernuaren "errepresio basati eta bidegabea" salatu du udalak
Apirilaren 28tik herria pairatzen ari den indarkeria gaitzesteko adierazpena argitaratu du Pasaiako Udalak. Hainbat konpromiso hartu ditu.
Joan den apirilaren 28an, Kolonbiako herria kalera atera zen bizi-baldintza justuak eskatzeko, Ivan Duqueren Gobernuaren zerga-erreformaren aurka eta justizia soziala duen herrialde baketsu baten eskakizunarekin.
Ordutik, mugarik gabeko Geldialdi Nazionalean daude, eta gobernuaren erantzuna “errepresio bortitza” izan dela iritzi dio Pasaiako Udalak, “protestarako eskubidea legitimoki erabiltzen ari diren pertsonen aurka, bizitza duina eta giza eskubideen errespetua eskatuz”.
Udal arduradunek gogora ekarri dute sistema demokratiko batean, protesta soziala oinarrizko eskubideetako bat dela, eta, horrezkero, Estatuak errespetatu eta bermatu behar duela.
Horregatik guztiagatik, honakoa galdegin du Pasaiako Udalak:
- Kaleetan legez protesta egiten dutenen aurkako errepresio basati eta bidegabea salatzen dugu.
- Ivan Duqueren Gobernuari eskatzen diogu Kolonbiako herritar guztien giza eskubideak babesteko eta bermatzeko.
- Indar Publikoak eragindako indarkeria-gertakari guztiak argitzea eskatzen dugu, eta dagozkion erantzukizunak zehaztea, bai haien maila ofizialetan, bai agindu horiek eman dituzten gobernuetan.
- Elkartasuna adierazten diegu protestaren kriminalizazioaren ondorioak jasan dituzten eta jasaten dituzten pertsona guztiei.
- Salatzen dugu indarkeriaren gorakadaren egoera erabiliz, mobilizazioetatik kanpoko taldeek ondasun komunak arpilatu eta erasotzeko erabili izana, bai eta ekintza horiek protesta soziala kriminalizatzeko erabili izana ere.
- Gure elkartasuna adierazten diegu Kolonbiako herriei, eta beren eskaerekin bat egiten dugu bizi-baldintzak benetan hobetzeaz eta justizia soziala duen herrialde baketsu bilakatzeaz hitz egiten dutenak.
- Nazioarteari eskatzen diogu elkartasun adierazpenak egin ditzala Kolonbiako herriarekin, bai eta Ivan Duqueren Gobernuaren aurrean behar diren ekintza diplomatiko eta politikoak egin ditzala ere, errepresioa amaitzeko eta Kolonbiako Herriaren Eskubideak errespetatzeko.
