'Gora herriak Kurdistan-Euskal Herria', hilaren 27tik ekainaren 12ra
Bixi-Bixi Elkartearen ekimenez abiarazitako 'Gora herriak' egitasmoak elkartasun besarkada helaraziko die aurten kurduei. Bi asteko egitaraua prestatu dute.
Donibaneko Bixi-Bixi Kultur Elkarteak aurtengo Gora herriak ekimenaren baitan Kurdistan eta Euskal Herria batarazteko jarduerak aurkeztu ditu. Hartarako, bi asteko egitaraua ondu dute, datorren astean -hilak 27, osteguna- hasi eta ekainaren 12ra arte -larunbata-.
Estatu Islamikoaren jazarpenetik bizirik atera diren emakume errefuxiatu kurduei laguntza eskaintzeko asmoz, Gani Mirzok kontzertu nagusia eskainiko du ekainaren 12an Ekialdeko zein Mendebaldeko musikak uztartuz. Sarrerak Berezi okindegian eta Ubera liburutegian eskura daitezke.
Ekitaldi guztiak Juanba Berasategi aretoan izango dira eta honako hauek dira:
- Hilak 27, osteguna, 19:00etan. Solasaldia: Kurdistan ezagutzeko kaiera. Karlos Zurutuza eta Kristina Berasain kazetarien eskutik.
- Hilak 29, larunbata, 18:30ean. Zinema solasaldia. Heritate / Mal (etxea) eta Iraultzaren haziak film laburrak kurduak eskainiko dituzte. Orsola Casagrandek aurkeztuko du ekitaldia.
- Ekainak 1, asteartea, 19:00etan. Hitzaldia: Kurdistanen borrokaren perspektiba historikoa eta korapilo geopolitikoa. Parte hartzaileak: Aratz Estonba, Askapenako kidea; Haizea Solagurenbeaskoa, Askapenako kidea; eta Aitor Aspuru, kazetaria.
- Ekainak 3, osteguna, 19:00etan. Mahai ingurua: Emakumeen ahalduntze eta parte hartze politiko erabakigarria. Parte hartzaileak: Maryam Fathi, KJAR-EU Elkartearen ordezkaria Euskal Herrian; eta Alaitz Berrozabalgoitia, Suargi GKE-ko kidea.
- Ekainak 4, ostirala, 18:00etan. Dantza kurduen ikastaroa heldu eta haurrentzat.
- Ekainak 6, igandea, 18:30ean. Kurdistango kantuak. Dinamizatzaileak: Daraçiye: Maitasuna eta iraultza; Yohann Villanua kantaria eta Haydar Iscen musikaria.
- Ekainak 8, asteartea, 19:00etan. Sukaldaritza ikastaroa.
- Ekainak 10, osteguna, 19:00etan. Hitzaldia/Solasaldia: Federalismo demokratikoa. Kurdistanen alternatiba politikoa. Parte hartzaileak: Faruk Doru, mugimendu kurduaren ordezkaria Iberiar penintsulan; eta Alaitz Berrozabalgoitia, Suargi GKE-ko kidea.
- Ekainak 11, ostirala, 19:00etan. Ekitaldi nagusia, Meipin. Dantza, bertsoak, musika kurdua, Kurdistango janari dastaketa… Faruk Doru eta Maryam Fathik parte hartuko dute, besteak beste. Mugimendu kurduaren ordezkariari ongietorria egingo diote udal ordezkariek.
- Ekainak 12, larunbata, 18:30ean. Kontzertu nagusia Gani Mirzo Band-en eskutik. Errefuxiatu kurdu emakumeen aldeko egitasmoa. Musikari kurduak, armeniar eta euskaldunak.
