Palestina libre bat aldarrikatu dute
Palestinari elkartasuna, eta babesa helarazi, eta libre eta bakean bizitzeko duen eskubidea aldarrikatu dute gaur lezoarrek Saldise plazan. Sortuk deitu du elkarretaratzera. Musikaz lagundu dute protesta.
Palestinaren aldeko elkarretaratzea Lezoko Saldise plazan. Palestinari elkartasuna, eta babesa helarazi, eta libre eta bakean bizitzeko duen eskubidea aldarrikatu dute gaur lezoarrek Saldise plazan. Sortuk deitu du elkarretaratzera. Musikaz lagundu dute protesta.
Gogor salatu dute bildutakoek Israelen jarrera, “etengabeko nakba egiten ari da Palestinaren aurka, lurraldeak okupatuz, palestinarrak kanporatuz, diskriminatuz, erreprimituz, eta hiltzen”. Hala, Nakba hasi zenetik palestinarren kanporaketa beren herritik eta lurretatik ez duela etenik izan salatu dute bildutakoek. Horren adibideak ere ekarri dituzte gogora, “Zisjordaniako Sheij Jarrah auzoan gertatzen ari da. Han ari dira Israelgo polizia eta kolonoak familia palestinarrak haien etxeetatik kanporatzen. Horrek Palestinaren haserrea ekarri du, eta kale protestak eragin.Beste behin ere palestinarren esku hutsak eta Israelgo polizia zein armadaren arma sofistikatuak aurrez aurre ari dira”.
Horren ondorioa agerikoa da: Israelen bonbardeketek 200 palestinarretik gora hil dituzte, tartean adingabe ugari.
Sortu erakundeak elkartasuna adierazi dio Palestinako herriari. Horrekin batera, Israelgo Estatuari politika anexionistarekin amaitzeko exijitu dio. Halaber, Palestinaren autodeterminazio eskubidea, burujabetza edota independentziarako eskubideen aldeko deia egin du, “Palestinako herriak libre eta bakean bizitzeko eskubidea du”.
800.000 palestinar bortxaz kanporatuta
Palestinako herria jasaten ari den egoera ez da berria. XIX Mendean heldu ziren lehen kolonoak Palestinara. Nakaba, Palestinan soilik judua den estatu bat ezartzeko proiektu sionista da Sortuk nabarmendu duenez. Atzera begirada egin du erakunde politikoak, ezinbestean, gatazkaren kokapena egiteko. 1948ko maiatzaren 15ean gogoratzen dute PAlestinako Nakba eguna, hondamendia arabieraz. Hori suposatu zuelako Palestinako herriarentzat, mugimendu sionistak Israelgo Estatua sortzeko palestinarren ezabaketa etnikoa hasi zuen.
Ezin da ahaztu, Israelgo Estatua, 800.000 palestinar inguru kanporatuta sortu zutela. 418 eta 615 herri artean suntsitu zituzten, sarraski ugari egin —Deir Jasinekoa kasu—, palestinarren jabetzak konfiskatu zituzten, hiri eta herrien izenak aldatu, baita bertakoak ez ziren beste landare espezieak sartu ere, “lehenago bertan palestinarren hiriak, herriak, landa eta etxeak zeudela ezkutatzeko”. Finean, herri bat ezabatzen saiatu ziren, baina Palestina izan bada, baita palestinarrak ere.
-
- Palestinarekin elkaratsuna Lezon
-
- Palestinarekin elkaratsuna Lezon
-
- Palestinarekin elkaratsuna Lezon
-
- Palestinarekin elkaratsuna Lezon
-
- Palestinarekin elkaratsuna Lezon
-
- Palestinarekin elkaratsuna Lezon
-
- Palestinarekin elkaratsuna Lezon
