Roberto Alvarez trintxerpetarrak 'Memorias de una pierna' liburua aurkeztuko du
Eleberriaren aurkezpena hilaren 27an izango da Trintxerpeko liburutegian, 19:00etan hasita. Kontakizuna barruti hartan bertan dago girotuta.
Roberto Alvarez Chans trintxerpetarrak berriki idatzitako Memorias de una pierna liburua aurkeztuko du Trintxerpeko liburutegian hilaren 27an -osteguna- 19:00etan.
Eleberria Pasaiako Trintxerpeko barrutian girotua da, honakoa da sinopsia:
Lolori hanka moztu ziotenean, bere jatorria etorri zitzaion gogora, eta horrekin batera, emaztearena, lagun onenena, etsaiena… Espainiako gerra zibilaren ondoren, erregimen frankistak zorrotz ezarri zuen sistema autoritarioa.
Trintxerpen, “Galiziako bosgarren probintzian”, arrantzaren munduan isolatutako komunitate batean bizi dira etorkinak, eta komunitate horrek ez du zerikusirik inguruko errealitatearekin.
Memorias de una pierna eleberrian batzuen eta besteen bizitza kontatzen da; eta haien eguneroko gorabeherak eta bizirauteko senaren garapena, besteak beste. Pertsonaien artean gurutzatuko dira; elkarrekin egingo dute topo eta harreman susmaezinak sortuko dituzte haien artean.
