Intxixu Trail: 2022koa sekulakoa izango da
Intxixu Trail-Giriziako antolatzaileek esan dute mendiko lasterketa, egitekotan, eurek nahi ez luketen bezalakoa izango zela.
Intxixu Trai-Girizia taldeko kideek erabaki dute aurten ez egitea euren ikur nagusi den mendiko lasterketa, Intxixu Trail. Taldekideek nabarmendu dute denbora luzez hausnartzen izan direla herri lasterketa egin edo ez, egiteak ekarriko lituzkeen onurak eta kalteak neurtzen. “Ospatzekotan, egin beharreko modua gustuko ez izateak erabaki hau hartzera bultza gaitu”, esan dute.
Izan ere, mendiko lasterketa hori kirol ekitaldi soila baino era zabalagoan ulertzen dute oiartzuarrek, kirolarien, ikusleen eta oiartzuarren arteko topagune antzekoa da, festa giroan burutu beharrekoa. Gaurko egunez, osasun segurtasun neurriek hori horrela izatea eragozten dute.
Ez dute etsi, ordea. 2022ko ediziora begira jarri dira. “2022an, bi urteko hutsunearen ostean, indartsu itzuli ahal izatea da gure nahi eta asmoa, eta horretarako lan egingo dugu”, azaldu dute.
Dena dela, lasterketen zaleak adi ibil daitezela. Erronka bat prestatzen ari dira Intxixu Trail-Giriziako kideak. Aste honetan emango dute horren berri.
