COVID-19 positiboen jaitsiera moteldu egin da Oarsoaldean
Asteburu honetan lau herrien artean 30 positibo gehiago jaso dituzte, aurreko asteburuan 28 izan ziren bitartean. Lezon, ostiraletik igandera, zero kutsatu.
Asteburu honetan denera COVID-19agatik positibo eman dutenen zenbatekoa 30ekoa izan da Oarsoaldeko lau herrietan. Aurreko asteburuan (hilaren 164tik 16ra) 28 izan ziren kasuak, beraz, asteburutik asteburura igoera izan da, bi positibo gehiago izan dira oraingoan. Aipatzekoa da Lezoko kasua: ostiraletik igandera ez da kutsatu gehiagorik atzeman herrian.
Edonola ere, joan den asteko igandearekin alderatuta 100.000 biztanleko tasek beheranzko joerarekin jarraitu dute. Jarraian, herrietako tasa eguneratuak eta asteburuan jasotako positiboak.
- Errenteria-Orereta. Tasa: 246 (hilaren 16ko igandean 320koa zen). Positiboak (ostirala-larunbata-igandea): 3-4-14.
- Pasaia. Tasa: 221 (hilaren 16ko igandean 304koa zen). Positiboak (ostirala-larunbata-igandea): 4-0-1.
- Oiartzun. Tasa: 125 (hilaren 16ko igandean 154koa zen). Positiboak (ostirala-larunbata-igandea): 3-0-1.
- Lezo. Tasa: 197 (hilaren 16ko igandean 378koa zen). Positiboak (ostirala-larunbata-igandea): 0-0-0.
