Lurraldebuseko bost autobus, Saharara, goraino beteta
Sendagaiak, arropa eta eskolako materiala eramango dituzte. Aldundiaren arabera, autobus horiek errefuxiatu gazte sahararrak eskolara eramango ditu.
Aldundiko eta Saharako ordezkariak, Lurraldebusen egoitzan, Oiartzunen.
Gipuzkoako Foru Aldundiak gaur goizean Ekialdebusen lineetan erabilitako bost autobus eman dizkie Saharak Araba, Bizkaian eta Gipuzkoan dituen ordezkariei. Autobusak sendagaiez, eskola materialez eta arropaz beteta joango dira.
Rafaela Romero Mugikortasun eta Lurralde Antolaketa diputatuak adierazi duenez, autobusak errefuxiatuta dauden neska-mutilen mugikortasuna hobetzeko izango da. Izan ere, orain arte bidaiak kamioietan egiten dituzte eskolara joateko, basamortuan zehar.
Mohamed Limam, Mohamed Ali eta Brahim Abdelfatah ordezkari sahararrek eskerrak eman dizkiete aldundiko ordezkariei.
Azken urteetan euskal erakundeek sahararrekin batera daramaten elkarlanean beste urrats bat da autobusak bidaltzearena. Kanpaina horiek materialak zein diplomatikoak dira, giza eskubideen aldekoak.
