'Koadro bat testu anitz' erakusketa, aurten ere
Koldo Mitxelena Herri Ikastetxeak antolatuta, gaur 17:00etan zabalduko ditu ateak Koadro bat testu anitz erakusketak.
Koldo Mitxelena Herri Ikastetxeko ikasleen erakusketa Merkatuzarren. Argazkia: Koldokide Koldo Mitxelena Herri Ikastetxeak antolatuta, gaur 17:00etan zabalduko ditu ateak Koadro bat testu anitz erakusketak. 2005ean abiatutako proiektuaren bidez, ikastetxearen aniztasunari erantzun nahi diote iniziatibarekin. Dima Dimitrieven Fisher boys koadroa aukeratu dute aurten, eta hori oinarri hartuta, margolanak eta idatziak, finean, artelanak sortu dituzte ikastetxe horretako ikasleek.
Sortutako hori guztia, herritarren eskura jarriko dute Jose Luis Caso aretoan (Merkatuzar) gaurtik astelehenera bitartean. Bisita orduak gaur eta astelehenean 17:00etatik 19:00etara izango dira; bihar, larunbata, 11:00etatik 13:00etara eta 17:00etatik 19:00etara; eta igandean, 11:00etatik 13:00etara.
Koldo Mitxelena ikastetxeak herritarrak deitu ditu bertaratu eta sortutako lanekin gozatzera.
