[Galeria] Irudia eta bertsoaren mugak lausotu dituzte 21 aulkiren lehen saioan
Alaia Martin eta Ainara Lasak 'Mugakidetzan' esperimentu parte hartzailea eskaini dute, aurtengo 21 aulki hasteko. Harrera ona izan du.
Lasa eta Martin, ostiraleko saioan. Ostiralean hasi zen 21 aulki. Oiartzungo bi artistak Ehuntzeren zikloa hasi zuten, propio sortutako tailer esperimental batekin.
Bertsoa eta irudigintza uztartu zituzten; Alaia Martin mikrofonoan eta Ainara Lasa sakeleko telefonoko aplikazioarekin. Publikoaren parte hartzea bilatu zuten, baita aurkitu ere. Inprobisaziotik asko izan zuen. Horrela, publikoak eskatuta, gidoia aldatu zuten.
Lasak irudiak sortzen ari zen bitartean Martinek bertsoak botatzen zituen. Arreta ez banatzeko, pixka bat aldatu zuten: lehendabizi Martinek bertsoa bota zuen, eta, bukatzean, Lasak irudia sortzen zuen.
Muga hori izan zen ezarri zuten bakarra. Hortik aurrera, bertsoa eta irudiaren arteko marrak lausotu ziren, kidetu arte.
Asteburu honetan jarraituko du 21 aulkik. Hemen klik eginda ikus daiteke egitaraua eta saioetan egoteko modua.
