Herriarteko joaneko kanporaketan 2-1 aurreratu dira oiartzuarrak
Bidania-Goiatzen kontra jokatu dute Madalensoron. Kadete eta Gazte Mailako partidak etxean geratu dira, eta helduek bi puntugatik galdu dute beren norgehiagoka.
Oiartzungo pilotariak. Oiartzunek ostiral arratsean jokatu zituen herriarteko final laurdenetako joaneko partidak. Bidania-Goiatzeko pilotariak izan zituzten parez pare.
Kadete mailako partidan, Oier Zabaletak eta eta Unax Landak aisa nagusitu zitzaizkien bisitariei (22-3). Gazte Mailako partida, berriz, parekatuagoa izan zen. Xabier Aburuzak eta Xabat Olaizek hiru puntuko aldeagatik irabazi zuten.
Nagusien kategoriakoan bota zuten izerdia oiartzuarrek. Andoni Ugaldek eta Eneko Zalakainek osatutako bikoteak bi tantoko aldeagatik galdu zuten Bidania-Goiatzekoen kontra.
Itzuliko hiru partidak asteburu honetan jokatuko dituzte. Oiartzuarrek alde polita dute, baina kontuz ibili beharko dira.
Gainontzeko partidei dagokienez, Oiarpeko pilotariek zazpi partida jokatu dituzte asteburuan. Horietako bostetan nagusitu dira. Emaitza guztiak ikusteko, egin klik hemen.
