Gazte Mailako III. Aurresku Txapelketa Nagusia, igandean Niessenen
Erein elkarteak antolatutako lehian A eta B sailetako dantzariak izango dira. 11:30ean hasiko da ekitaldia. Aurrez gonbidapena eskuratu behar da.
Argazkia: Carrera. Ereiten elkarteak antolatuta, eta Gipuzkoako Euskal Dantzarien Biltzarrarekin eta Erenteriako Udal Txistu Taldearekin elkarlanean, Gazte Mailako III. Aurresku Txapelketa Nagusia (gipuzkoar erara) egingo dute Errenteria-Oreretako Niessen aretoan igandean (ekainaren 6an). 11:30ean hasiko dira A saileko (2011tik 2013ra bitartean jaiotakoak) eta B saileko (2008tik 2010era jaiotakoak) dantzan. D sailekoen txapelketa (2006an eta 2007an jaiotako dantzariak) hilaren 16an da, Legazpin.
Mistoa da txapelketa, eta hirugarrenez egingo dute Errenteria-Oreretako lehia era horretara. Aurretik, Landare elkarteak 33 urtez egina zuen Aurresku Txapelketa, ordukoetan mutilek bakarrik parte hartzen zutelarik.
A sailan sei dantzarik parte hartuko dute. Honakoek: Judith Jacinto (Lezo), Araitz Berasategi (Legazpi), Unax Ansola (Elgoibar), Jon Alberdi (Legazpi), Nora Eskudero (Legazpi) eta June Osinalde (Legazpi). B sailekoak bikoitza dira, hamabi. Hauek: Enara Artola (Lezo), Ihintza Erauskin (Lezo), Inge Olaizola (Lezo), Mikel Esnaola (Lezo), Danel Castillo (Donibane), Clara Larrañaga (Amasa-Villabona), Onditz Esnaola (Lizartza), Elaia Etxaniz (Elgoibar), Jurgi Errandonea (Andoain), Irati Larrañaga (Andoain), Maria Sanchez (Legazpi), eta Amaiur Tejeria (Legazpi).
Bi sailetako epaimahaia Izar Etxeberriak, Jose Luis Vallejok, eta Nagore Indakoetxeak osatuko dute.
A sailekoek Txakolin eta Agurra dantzak egin beharko dituzte; Bkoek, berriz, Erribera eta zortzikoa. Sail bakoitzean sei sari emango dituzte. Lehenak aginte makilla eta garaikurra jasoko du; beste bostek garaikurra.
Horrez gain, Gipuzkoan aurretik egindako ligaren (lau saio izan dira, Legazpin, Villabonan, Elgoibarren eta Lezon) irabazleek euren garaikurrak jasoko dituzte. A sailean Judith Jacinto izan da onena ligan (lezoarra da); B sailean saria biren artean banatuko da, biak lezoarrak Enara Artola eta Mikel Esnaola.
Errenteria-Oreretako lehia ikusteko ez da sarrerarik ordaindu behar da. Baina COVID-19aren protokoloagatik, aurrez gonbidapenaren erreserba egin behar da.
