Ijito kultura bertatik bertara Herri Arte Eskolan
Ijito musika, dantza, kantu eta kultura ezagutzeko aukera eskainiko du uztailean Herri Arte Eskolak
Kaxoi flamenkoak ere izango du tartea ikastaroan. Ijito musika, dantza, kantu eta kultura ezagutzeko aukera eskainiko du uztailean Herri Arte Eskolak. Horren antolaketan, Camelamos Adiquerar, Herri Arte Eskola, Kultura Aniztasunaren azpisaila, Ijito kulturaren Institutua eta Gipuzkoako Foru Aldundia. Irakasleak ijitoak izango dira, hori da ikastaroaren berezitasuna antolatzaileek azaldu dutenez, eskainiko diren instrumentu eta diziplinetan: kaxoi flamenkoa, pianoa, saxofoia, biolina, biolontxeloa, txirula, gitarra, dantza eta kantua.
Hiru helburu ditu ikastaroak: Ikasle ijitoak animatzea Herri Arte Eskolara hurbiltzera eta bertako baliabideak ezagutzera ijito erreferente positiboen bidez; Errenteriako kultura ezberdinetako ikasleak animatzea ijitoen musika eta kulkturari buruz zerbait gehiago ikastera animatzea hainbat estilotan, hala nola, musika klasikoan; eta musika bizikidetzaren bidez motibatzea eta saio batzuetan izango den euskal musika eta dantza tradizionala ezagutzea.
Ikastaroak irauten duen bitartean hiru hitzaldi emango dituzte gainera, Herri Arte Eskolako ikasle eta irakasleei zuzenduta; Niessen Kulturgunean izango dira.Ikastaroa uztailaren 20an amaituko da Musika Zentroko ikasle eta irakasleek egingo duten kontzertu ireki batekin, herritarrentzat. Ikastaroa uztailaren 1etik 20ra izango da ostegun, ostiral eta larunbatetan, 10:00etatik 14:00etara. Izena emateko epea zabalik dago ekainaren 7ra arte. musika eskoletako ikasle eta irakasleak parte hartzera animatu dituzte, baita jakin mina izan dezaketen pertsona eta kultura gutziak ere, musika beste ikuspegi batetik ikusteko.
