Dantza kurduen ikastaroa eta beste bost jardunaldi
'Gora herriak' iniziatibak aurrera darrai. Dantza kurduak ikasteko saioa egingo dute gaur arratsaldean, eta beste bost ekintza hilaren 12ra arte.
![](https://oarsoaldea.hitza.eus/site/files/2021/06/kurd.jpg)
Joan den hil bukaeran aurkeztu zuen Donibaneko Bixi-Bixi Elkarteak aurtengo Gora herriak. Kurdistan-Euskal Herria iniziatibaren egitaraua. Orain arteko saioek harrera hobeezina izan dutela aitortu dute antolatzaileek, baina oraindik astebete dute aurretik azken ekitaldira arte. Honakoak dira geratzen diren jardunaldiak:
- Gaur, ostirala, 18:00etan. Dantza kurduen ikastaroa heldu eta haurrentzat.
- Etzi, igandea, 18:30ean. Kurdistango kantuak. Dinamizatzaileak: Daraçiye: Maitasuna eta iraultza; Yohann Villanua kantaria eta Haydar Iscen musikaria.
- Hilak 8, asteartea, 19:00etan. Sukaldaritza ikastaroa.
- Hilak 10, osteguna, 19:00etan. Hitzaldia/Solasaldia: Federalismo demokratikoa. Kurdistanen alternatiba politikoa. Parte hartzaileak: Faruk Doru, mugimendu kurduaren ordezkaria Iberiar penintsulan; eta Alaitz Berrozabalgoitia, Suargi GKE-ko kidea.
- Hilak 11, ostirala, 19:00etan. Ekitaldi nagusia, Meipin. Dantza, bertsoak, musika kurdua, Kurdistango janari dastaketa… Faruk Doru eta Maryam Fathik parte hartuko dute, besteak beste. Mugimendu kurduaren ordezkariari ongietorria egingo diote udal ordezkariek.
- Hilak 12, larunbata, 18:30ean. Kontzertu nagusia Gani Mirzo Band-en eskutik. Errefuxiatu kurdu emakumeen aldeko egitasmoa. Musikari kurduak, armeniar eta euskaldunak.