Mailari eustea eskutan dute oiartzuarrek, garaipena lortuta
Berriozarren kontra 1-2 nagusitu dira Oiartzungo neskak. Bi jardunaldiren faltan, mailari eustea lortu dutela esan daiteke.
Berriozarko partidaren irudia [Arg.: @tercera365_g15].
Kostata, baina Oiartzun Kirol Elkarteko neskak garaipenarekin bueltatu ziren Berriozarretik. Hiru puntu benetan garrantzitsuak izan ziren, bi jardunaldiren faltan mailari eutsiko diotela esan dezaketelako. Hala ere, oraindik berretsi egin beharko da.
Partidako bi zatiak ezberdinak izan ziren. Lehenengoak joko bizia izan zuen, eta Ainara Pisabarro eta Maialen Lobetek lortu zituzten oiartzuarren golak. 1-2ko emaitzarekin iritsi ziren atsedenaldira, eta bigarren zatian nafarrek estutu bazuten ere, gipuzkoarrak nagusitu zuren.
Oiartzuarrak hirugarren dira sailkapenean. Postu horretan egonagatik, arraroa izan daiteke mailari eusteaz hitz egitea. Bada ez: Lehenengo Nazional Maila osatzen duten 11 taldeetatik sei jaitsiko dira.
FUTBOLA
Emakumeen Lehen Nazional Maila. 2. fasea. 2-D Multzoa
- Berriozar — Oiartzun: 1-2.
Emakumeen Euskal Liga. D multzoa
- Oiartzunek atsedena izan du asteburu honetan.
Emakumeen Gorengo Maila
- Oiartzun — Goierri Gorri: 3-0.
ARETO FUTBOLA
Udaberriko txapelketa
- Oiartzun KEk atsedena izan du asteburu honetan.
- Miren Taberna — Goierri partida atzeratu egin dute.
SASKIBALOIA
Gipuzkoako Bigarren Maila
- Avia Eibar Saskibaloia — Oiartzungo Saskilagunak : 62-69.
