'Azala azalduz' erakusketa hartuko du gaurtik Xenpelar Etxeak
Galdakakokoa da Garcia, baina Donostian bizi da. arkitektoa da formazioz, eta diziplina anitzeko artista lanbidez
SoraYarte erakusketaren irudi bat. Gaurtik aurrera SorayArteren Azala azalduz erakusketa ikusgai izango da Xenpelar Etxean hilaren 26ra arte, astelehenetik larunbatera 17:00etatik 20:00etara. Gaur arratsaldean inauguratu dute Soraya Garcia diziplina anizteko artistaren erakusketa. Proposamen piktorikoa formatu handiko mihisetan egindako olioak izango dira gehienak, figuratibo errealista estilokoak eta gai feminista aldarrikatzaile eta kritika sozialekoak. Gehienak autorretratuak dira, gorputza baliatuta adierazpen bitarteko gisa. Artsitak berak azaldu duenez asmoa ez da molestatzea edo moldeak haustea, baizik mezu feministak helaraztea eta emakumearen gorputza artean normalizatzea.
Munduko emakumeak pieza nabarmendu dute. Hainbat nazionalitatetako bost emakumeren erretratua da, eskualdeko jantzi tipikoak soinean dituztela eta soina biluzik erakusten duen autorretratuaren irudia dutela. Obrarik berrienean, Respect, margolaria bera ageri da maskarekin eta eskuak altxatuta irudikatzeko pandemiak eragindako beldurra, ziurgabetasuna edo askatasunak kentzea.
Galdakakokoa da Garcia, baina Donostian bizi da. arkitektoa da formazioz, eta diziplina anitzeko artista lanbidez; pinturan, poesian eta performanceetan jarduten da. Piktorikoan bi proiektu irabazi ditu: Donostia 2016 Europako Kultur Hiriburuan, eta nazioarteko erakusketa baterako crowfonding bat 2015ean. Bakarka zortzi erakusketa egin ditu.
