Herri Musika Udalekuak egingo dituzte, haurrentzako
Ekainaren azken egunetan eta iraileko lehenengoetan hiruna eguneko ikastaroa eskainiko dute. 8 eta 12 urte arteko haurrei zuzenduta dago.
Instrumentuak egiten ikasiko dute. Soinuenea Fundazioak musika udalekuak antolatu ditu udarako. Helburua izango da euskal herri musikaren erritmoa ezagutu eta ikasten hasteko hiruna eguneko bi saio antolatu ditu.
8 eta 12 urte arteko haurrei zuzenduta dago. Ekainaren 28, 29 eta 30 egingo dute saio bat, eta irailaren 1ean, 2an eta 3an bigarrena. 09:30etik 13:30era izango dira saioak, atsedenaldiarekin. Irakasle lanetan Jon Patxe eta Peio Irigoien arituko dira.
Hiru egunetako prezioa 25 eurokoa dela jakinarazi du Soinueneak. Izena emateko 943 49 35 78 telefono zenbakira dei daiteke, edo e-posta bidez idatzi.
Egitaraua
- 1. eguna. Hastapenak gorputzarekin jolasean.
- 2. eguna. Hots-jostailu bat egin (Kanabera) eta erabiltzen hasi.
- 3. eguna. Beste soinu-tresnekin eta musikariekin batera (txistu, dultzaina eta alboka) zuzeneko praktikak.
