TicketBAI euskaraz ere jartzea animatu dute udalak eta UEMAk
EAEko merkatari eta ostalariek TicketBAI sistema integratu beharko dute, derrigorrez. Euskaraz ere bai jartzera animatu dituzte Oiartzungo establezimenduak.
Gipuzkoa, Araba eta Bizkaiko enpresa eta, ostalaritza eta merkataritza establezimenduek epe motzean derrigorrezkoa izango dute TicketBAI sistema erabiltzea, Eusko Jaurlaritzak eta hiru lurraldeetako Foru Ogasun sailek erabakita. Modu horretan, fakturak zuzenean ogasunetara iritsiko dira.
Hainbat informatika enpresak sortu dituzte TicketBAIrako softwareak. Horietako batzuek fakturak euskaraz eta gazteleraz ematea aukeratu dute; beste batzuek, gazteleraz bakarrik.
Horren harira, Oiartzungo Udalak eta Udalerri Euskaldunen Mankomunitateak (UEMAk) dei egin diete Oiartzungo enpresa eta establezimenduei. “Oiartzun udalerri euskalduna denez, bertako enpresa eta establezimenduei tiketak euskaraz ere ateratzen dituzten softwareak aukeratzea eta instalatzea proposatu nahi dugu”, adierazi dute.
Gogorarazi dutenez, tiketak euskaraz ere sortuta, gainera, Kontsumitzaileen eta Erabiltzaileen Hizkuntza Eskubideei buruzko 123/2008 dekretua ere beteko litzateke. Softwarea euskaraz ere bai eskaintzen duten enpresen zerrendaren berri eman dute. Hemen klik eginda ikus daiteke zerrenda.
Informazioa ematen
Oiartzungo Udalak informazio zuzenagoa emango die enpresa, establezimendu eta elkarteei. Hasi da haiekin harremanetan jartzen, LANIN, Euskara elkartera eta Euskara komertziora egitasmoen bidez.
Gaineratu dutenez, aholkularitzekin ere jarriko da harremanetan, establezimendu askoren ogasun kontuak bideratzen dituztenak direlako.
Informazio gehiago
- Enpresak eta autonomoak
Telefonoa: 943 25 42 90 / 630 889 429. - E-posta helbidea.
Merkataritza eta ostalaritza establezimenduak, eta elkarteak
- Telefonoa: 943 26 01 82.
- E-posta helbideak: merkatari eta ostalariena eta elkarteei zuzendutakoa.
Oiartzungo Udaleko Euskara saila
- Telefonoa: 943 49 38 42.
- E-posta helbidea.
