Oiartzun KEk campusa antolatu du uztailerako
Hil horren erdialdeko bi asteetan egingo dute campusa, 8 eta 12 urte arteko neska-mutilei zuzendutakoa. Parte hartzaileek oparia izango dute.
Oiartzun Kirol Elkarteak campusa antolatu du uztailerako. Bi astetan egingo dute: uztailaren 12tik 16ra, eta 19tik 23ra. Benjaminei —8 eta 10 urte arteko neska-mutilak— eta kimuei —10-12 urte— zuzenduta daude futbol saio horiek.
Lehen txanda 09:15etik 11:15era izango da, eta bigarrena 11:30etik 13:30era. Aste baterako izen emateak 70 euro balioko ditu, eta birakoak, 120. OKEren elastiko bat eta botila bat oparituko dizkiete parte hartzaileei.
Izena eman daiteke posta elektroniko bidez, edo 609 50 21 89 edo 649 38 04 85 telefono zenbakietara deituta.
