Oiartzungo enpresa batean lan egiten duen garraiolari bat hil da istripuan
Gexa garraio enpresan lan egiten zuen 47 urteko gizona hil da Orozkoko gasolindegi batean deskarga lanetan ari zela istripua izan eta hiru egunera.pa
Istripua gertatu zen gasolindegia. 47 urteko garraiolari bat hil zen atzo, pasa den astelehen arratsaldean izandako lan istripuarengatik. Oiartzungo Gexa garraio enpresarentzako egiten zuen lan.
Astelehen arratsaldean Orozkoko (Bizkaia) gasolindegi batean gertatu zen istripua. Kamioiaren gondolan aurkitu zuen lankide batek, atzeko palek harrapatuta. Beirazko pieza erraldoia zeramaten, eta sistema hidrauliko batek eusten zion.
UGT sindikatuak lan munduko istripu tasa “jasangaitza” salatu du. Gainera, garraio enpresetan segurtasun neurriak indartzea eskatu dute.
Antzeko hitzekin mintzatu da LAB. Gogorarazi dute Euskal Herrian lanean hil den 26. pertsona dela. Garraio sektorean dauden “lan baldintza prekarioak” jo dituzte istripuen iturburu gisa. Eusko Jaurlaritzari exijitu diote langileen lan baldintzak zein segurtasuna hobe ditzan.
