Zaintza jardunaldiak egin dituzte Lezon EH Bilduk antolatuta
Saldise eta Euskal Herria plaza inguruan jarri ditu Lezoko EH Bilduk gaur zaintzaren ikuspegitik landu duten herri ereduaren proposamenak.
Zaintza jardunaldietan ikusi zitezkeen plano proposamenak. Hiri espazio eta ekipamenduei arreta jarri eta plazara atera ditu Lezoko EH Bilduk hainbat proposamen. Lanketaren bigarren fasea osatzen hasi dira, beraz. Saldise eta Euskal Herria plaza inguruan egon dira.
Bigarren zati hau parte hartzailea izatea nahi du koalizioak, eta hortaz arratsaldeko 17:30etatik aurrera herri diseinuaren erakusketa egon da jarrita kartel batzuetan.
Aldi berean, Txiribillak haur jolasak antolatu ditu, eta Iratzerri taldeak argi indarraren fakturak aztertzeko aukera eskaini du.
Musika ere ez da falta izan, trikitixa eta panderoa entzun zitekeelarik. Lezoko Emakume Taldeak eskailerak morez margotu ditu, eta Oarsoaldeko Laborek bere produktuak atera du kalera.
