Ilustrazioak mauka motzetan, Ainhoa Redondorekin
Ainhoa Redondo. Marrazketa, pintura eta ilustrazio ikastaroa antolatu du Ainhoa Redondok 13/20 Arte Tailerrean udarari begira. Errenteriako Artisau Auzoan du tailerra Redondok, eta irudigilea, margolaria eta ikus-entzunezko sormenean aritutakoa da. Ibilbide luzea egin du marrazketa munduan, baina ipuingintzak eta ilustrazioak txunditu zuen eta hainbat libururi freskotasuna eta alaitasuna eman die bere ilustrazioen bidez; irudi freskoak, ederrak, alaiak egiten ditu.
Habian! Inkubagailuan partaide izan zen eta hainbat proiektu abiatu zituen: Oroimin bilduma, Barrutik kanporako irriak, eta argitaletxe ezberdinekin ere aritutakoa da, Denonartean, Elkar, Ikastolen Elkartea, Desclee eta Ibaizabal.
Orereta Kaleko 2. zenbakian duen tailerrean eskainiko ditu ikastaroak uztailaren 5etik 9ra eta 12tik 16ra. Saioak egunero, egingo ditu, eta 90 minutukoak edota 120 minutukoak izango dira aukeran. Prezioari dagokionean, astebeteko ikastaroa 90´minutukoa egunero eginez, 35 eurokoa da matrikula. Bi orduko saioak eginez gero, 45 eurokoa. Bi asteak egin nahi dituztenek ere izango dute aukera, ordu eta erdiko saioak, kasu horretan, 62 euroko matrikula izango dute, eta bi ordukoek, berriz, 80 euro.
Izdena eman nahi dutenek, 13/20 Arte Tailerrera jo dezakete, edota posta elektronikora mezua bidali, ikaslearen izen abizenak, adina eta telefono zenbakia zehaztuta.
